پاکێن روهئے کرد، هاسیت و اسر
باورمندێئے زندئے تها پاکێن روهئے کرد، هاسیت و اسرئے سرپد بئیگ.
پاکێن روهئے واده
یوهنّا 14: 16-17 ”و من وت چه پتا لۆٹان و آ شمارا دگه پُشت و پناهے دنت که مُدام گۆن شما مانیت، بزان راستیئے هما روه که جهان آییئے مَنّگا تئیار نهاِنت، چێا که نگندیتی و پَجّاهیَ نئیاریت. بله شما آییا پَجّاهَ کارێت، چێا که شمئے کِرّا مانیت و شمئے دل و درونا بیت.“ آزمانا رئوگا پێش، ایسّا مسیها پاکێن روهئے آیگئے واده دات که کئیت و باورمندانی وکالتا کنت. اے وادها باورمندانی زندئے تها یک مدامی گئیبی مئوجودگی و رهشۆنیئے نشان دات.
پاکێن روه، رهشۆن و ترانگا پرّێنۆکئے کردا
انجل شریفئے آیت: یوهنّا 14:25 ”بله شمئے وکیل هما پاکێن روه اِنت که پت آییا منی نامئے سرا دێمَ دنت. پاکێن روه سجّهێن چیزّان شمارا سۆجَ دنت و هما سجّهێن هبر که من گۆن شما کرتگاَنت، شمارا آیانی یاتا پِرّێنیت.“
بئیان: چه پاکێن روهئے کاران یکّے اِش اِنت که باورمندانا هدائے لبزئے راستیان درس بدنت و آیانا ایسّا مسیهئے درس و سبکّانی ترانگا بپرّێنیت، گۆن اے سدّکیا که آ گۆن گئیبی داناییا یکراه ببنت.
. پاکێن روهئے تاکت: انجیل شریفئے آیت: کاسدانی کار: 1: 8 ”بله وهدے پاکێن روه شمئے سرا اێرَ کئیت، شمارا زۆر و واکَ رسیت و اورشَلیمئے شهرا و یَهودیَه و سامِرَهئے سجّهێن دَمگان و تان دنیائے گُڈّی مرز و سیمسران منی شاهدیا دئیێت.“ پاکێن روه باورمندان پُرزۆرَ کنت که آ وتی گئیبی هکمان پوره و سرجم کرت بکننت. پاکێن روه که آیانی دل و جبینا مئوجود بیت، آ په ایسّا مسیها گواهی دئیگا سلهبندَ بنت و ایسّا مسیهئے زۆر و واک و مهرا دنیایارا پێش داشتَ کننت..
پاکێن روهئے بر و سمر
گلاتیان 5: 22-23 ”بله پاکێن روهئے بَر و سَمر اِش اَنت: مِهر، شادمانی، اێمنی، سَبر و اۆپار، مِهربانی، شَرّی، وَپاداری، نَرمتَبی و داشْت. چُشێن چیزّانی هلاپا هچّ شَریَت و کانون نێست.“ زندے که پاکێن روه آییئے رهشۆنیا بکنت. آییئے تها لهتێن هاسیت بیت، یا بر و سمر. اے بر و سمر مٹ و بدلیا زاهر کننت و گۆن هدائے کردارا یکراهیا پێشَ دارنت.
پاکێن روهئے ٹێکی
1 کۆرنتیان 12: 4-7 ”نون باز پئیمێن نیامَت هست، بله پاکێن روه یکّے. باز پئیمێن هزمت هست، بله هُداوند یکّے. باز پئیمێن کار هست، بله هُدا یکّے، هما هُدا که سجّهێنانی دل و درونا اے سجّهێن کارانَ کنت.“ پاکێن روه باورمندانا روهی ٹێکی بَکشیت. اے ٹێکی، که آیانی تها پئیگمبری و دراهی مان اِنت، اِشانی مکسد ایسّا مسیهئے رمب و دێمترا مستاگئے اڈّ کنَگ اِنت.
پاکێن روهئے کرد مان داوریا
یوهنّا 16: 8 ”وهدے آ کئیت، گناه و پهرێزکاری و کَزاوَتئے بارئوا دنیائے مردمان سهیگَ کنت و آیانی مئیارباریا زاهرَ کنت.“ پاکێن روه مردمێئے گناهئے بابتا داوریا هم هاسێن کردے پیلئو کنت، که آ مردم پشۆمانی و پهرێزکاریئے نێمگا برئوت.
7. پاکێن روهئے رهشۆنیئے تهاانجیل شریفئے آیت: رومیان 8: 14 ”آ سجّهێن مردم هُدائے چُکّ اَنت که هُدائے روه آیانی رَهشۆن اِنت.“ هدائے چُکّ بئیگئے مانا اِش اِنت که ما پاکێن روها وتی کرد، پئیسله و واهگانی رهشۆنَ کنێن. اے گئیبی رهشۆنی گۆن هدائے رزا و مکسدا یکراه بئیگئے سدّکیا دنت
گۆن پاکێن روها وتی سرپدی و تجربتئے سرا بجێڑ و پگر کن.
شما وتی زندئے تها آییئے رهشۆنێن هستیا مارێت؟ پاکێن روهئے نۆک و تازهێن پُرّی یا جُهلترێن سرپدیێا بجێڑێت. پاکێن روهئے ٹێکی و بر و سمرانی بارئوا گێشتر بوانێت. وتی زندئے تهئیگان نشان دئیێت که شمااِش پجّاهَ کارێت و همایان که شما لۆٹێت که بِکِشنت یا شرتر سرپد ببنت.
یات بدارێت که پاکێن روه تهنا مزهبی لێکهے نه اِنت، یک کار کنۆکێن زاتی وجودے که هر باورمندئے زندئے تها انت. اے سیادیا دوا، وانگ و گۆن آییئے رهشۆنیا پرمانبرداریا رُست و ردۆم کنێت