چئورَہ او یتیمانی پِت ھدا اِنت۔
ورنائیں برات واحد ئے اُمر ہپت سال اَت کہ آییئے مکہ ایں مات وپات بوت۔ کمو وھدا رَند آییئے پِتا دگہ آروس ئے کرت و واحد وتی گھارئے کِرا شُت۔ واحد وتی مات ئے مھر و دوستی سک مارِات۔ ھرچی ایندگہ مردماں آییئے کمک کرت، و آییارا دوست داشت۔ واحدئے دل وش نہ بوت۔ آییا زانت کہ مردمانی کمک و دلگوشی مھر نہ اِنت بلکن آییئے سرا بَزگ کنگا اَت۔ ھئو راست۔ مات ئے مھرئے بَدل نیست۔ واحد چہ ھدا دُور اَتْ ،ایوک و ابینک و بے وس اَت۔ آ تتک و ترکیہ شُت۔ آ یک پناہ گیریانی کیمپیا گوں ایندگہ کسانین مردمان بند کنگ بوت۔ واحد سک تکانسر و تاھیر ا۔ت۔ یک نفسیات ئے ڈاکٹریے کرا بَرگ بوت۔ یک ترجمہ کنوکیں داشتش۔ چیاکہ واھد ترکش زبان نزانت۔ یک روچ ئے ہمئے ترجمہ کنوکاں واحد سلاہ جت کہ کلیسیایا بیا۔ واحد ئے دلا نہ کش اِت بلے آ کلیسیایا شت۔کلیسیائے پیرین سرکماشا واز کرت و دگہ یکیا آییے وازانی ترجمہ کرت۔ مات ئے وپاتیا رند اولی بَرا واحد راستیں مھرئے تجربگ کرت۔ انجیل شریپ ئے وانگا رند واحد ئے تب و دل وش بوتنت۔ کسان سالیں برات واحد وتی مسیھی بوئگ ئے شاہد دنت و گئوشیت کہ آییے دل وش بوت کہ ھدا آییا دوست داریت۔ ھدا آییئے پَت اِنت۔ دیما شما وت ہمئے وڈیوا بچار اِت۔
آئی بی آئی سی ورنائیں برات واحدئے منت واراِنت کہ آییا مارا اجازہ دات کہ ما آییئے شاہدیا بلوچیا بترینن و گون وتی تاکا شنگ بکنن۔
ما جزم این کہ برات واحدئے شاہدیا سک باز مردمانی واست یک سکین و دلبڈیئے بیت۔ منت واراں