برات نویدے مسیھی بوئگے شاہدی
منی نام نوید اِنت و من یك اسلامی ملكیا نندوك بوتگاں و یك مسلمانیں كہولیا پیدا بوتگاں۔من زاہرا یك مسلمان اتاں۔چیا كہ مسلمان بوءگا ابید دگہ ھچ راہ و در نیست اَنت۔ ھمك مجلس، مراگش، سانگ و سور و موتگ و پُرس، اسكول ،كالج، ٹی وی، ریڈیو، اخبار و اشتہار وھدا یكوءی ہمئے ھبر پرینگا بوءگا ات كہ ما مسلمان ایں و ما چہ ایندگہ كءوم و نیكراھا گھتر ایں و مارا ایشی سرا پھرو ناز كنگی انت۔بلے مءے چاگردو چاگدری زند تباہ ات۔ منی جندے ھاندانے لہتے مردم مسیھی بوتگ ات، من چہ وتی كہولے ہمے مردمان سك نپرت كرتگ۔ ہمئے ھاترا من چہ وتی لوگ و ھندا در شتاں۔ دگہ شھریا وتی كاروبار بندات كرت۔ بلے منی كاروبار سوبین نہ بوت۔ من وامداربوتاں۔ بلے منی كارجاہے زاہری شان و شوكتا چہ كسا نزانت كہ اسلی جاور چون انت۔ یك روچے یك ۔
مسیھی كلیسیاءے سروكے منی كارجاہا اتك
وتی كلیسیائے واستا یك سوفٹ ویئر تئیار كنگی بابتا گوں من ھبر و ھالے كرت۔ گءوشتے كہ من مروچی اشتاپ انت بلے زوت واتراں ہمئے كارا پكا كناں۔ منی كاروبار نزور ات ھمئے ھاترا من گوں ہمئے مسیھی كماشا كئول كرت كہ من ایش سوفٹ ویئر تئیار كرت كناں۔ چہ منی كارگسا دراتك بلے دمانیا رند واترات۔منا گئوشتے كہ نوید تئو ہمئے كار كرت نہ كنے تو چیا كئول كرت تو ہمئے سوفٹ ویئر تئیار كنے؟ منا ہمئے ھبر سك نہ وش بوت من ھژم گپتاں۔ منا ہمئے مسیھی کماشا تچکا تچک گئوشت كہ تو وتی جندا پریب دیگائے تو وت دو بھرئے۔ تو یك دروآپیے پشتا روئگائے، من پہ زھر گئوشت كہ من چہ بكناں۔ گءوشتے وتارا راست بكن، كم چہ كم گوں وتی جندا وا راست ببو۔ ہمءے كلسیاءے كماش شت۔ من پگر و جیڑات من زانت كہ اے مرد راست گئوشگا ات۔ من جیڑت كہ منی مسلمانیں سنگت ھم منی اسلیتا زاناں بلے منا نہ گئوشنت و گون من كاروبار اوں نہ كننت۔ من وتی كاروبار بند كرت و شش ماھا تك وتی گاڑیئے تھا وپتاں برے پاركانی تھا و برے برے بالی پٹا وتی گاڑیئے تھا وپتاں و برے برے چیركائیا وتی گاڑی ٹیسكیے بستار كارمردكرت۔ بلے یک شپے من بالی پٹا وداراتاں كہ یك مساپر منی كرا اتك منا گئوشت ئے منا اے ڈسا برسین۔ من ہمئے ڈس و نشان چارات۔ ایش منی پت و ماتے لوگے ڈس ات۔ ۔۔۔۔
گیش زانگے واستا برات نویدے شاہدیا سرجمیا بچار ات۔
آئی بی آئی سی برات نویدے منت وارانت كہ آییا مارا رزا داتگ كہ ما آییئے شاہدیا بلوچیا بتریناں و گوں وتی مسیھی برات و گھاراں بھر بھر بكنیں۔
ما دلا جزم ایں كہ چہ برات نویدے شاہدیا سجھءین چاروكانا دلبڈی و سكین رسیت۔ سلامت باتت