بلوچ مسیھی، کئوم وعقیدہ

بلوچ مسیھی، کئوم وعقیدہ

ایش کسانین نشتانک ئے تھا جہل ئے سرھالاں گیشینن۔

کئوم چیا گئوشنت۔

مذہب، ایمان و عقیدھئے کرد

کئوم:  کئوم لس مہلوک ئےیک انچیں مزنیں کساسیا گئوشنت کہ آ یک راجدپتر، دودربیدگ، زبان و زمینئےشریدارو آییئے واھند ببنت۔ ( یکیں زمین ئے جہمنند بوئگ باز وھداں المی نہ اِنت۔ مسال ھبرا کُرد  چار جتائیں ملکاں نندوکنت بلے یک کئومئے انت۔ انون بلوچ سئے جتائیں ملکاں نندوک اَنت بلے یک کئومئے اَنت۔ پاکستانا درستیں نشتگیں مردم یک کئومئے گئوشگ نہ بنت۔ بلے کہ آیانی مذہب و عقیدہ یک ببیت۔

مذہب، عقیدہ و ایمان: عقیدہ و ایمان یکجاہ بنت و یک مذہبے بنت۔ مئے جندئے ستک و منّگ و رازی بوئگ مئے عقیدہ ودی کننت۔ 

Our very personal convictions form our beliefs.

اگن کسے  یک ھاسین ھئیال ئے بابتا منٹلی کنونس و قائل اِنت۔ ھما کَس ھما وڈا وتی زندا گوازینیت۔، مسال ئے ھبرا اگن راہ ئے سرا دراجیں چیزئے ایر اِنت۔ تئ دل ( مائنڈ) گئوشیت کہ ایش سہ مارے۔ تئی بدن راست و دروگئے پرکا نزانت، بدن دلئے بزاں مائنڈئے اشارھانی رِدا  جہہ جنت۔ کمو رندا تئو تپاسئے چارئے کہ ایش سہ مارئے نہ اِنت بلکن ساہدئے ۔لوپ ئے۔ مردمئے ساہ بدنا کپیت۔ عقیدہانی و بھیسہانی پشتا مئے  رھبند کار کنگا اِنت۔ بلے تپاسگا باز وھد لگّیت۔ یک وھدئے مردمانی باور بوتگ کہ زمین یک پاگاس ئے بَڈا اِنت، روچگر و مہہ گر، اللہ ئے عذاب اَنت۔ مردمانا باور بوتگ آیاں ہمئے پئیما جہہ جتگ ( ری ایکٹ کرتگ)۔ھما مردمانَ کہ باورو یکین اِنت  کہ اسلام پکّا و راستیں دین اِنت۔ بائد اِنت کہ اسلامی رھبندانی رِدا وتی زندا بگوازیننت۔ دگہ یکیا ستک و یقین اِنت کہ ہندو مذہب راست اِنت۔ آ ہندو ببیت۔ دگہ کسئے دلا مسیھی ھکیں دین اِنت۔ آ بائد اِنت کہ مسیھی ببیت۔ چیاکہ ستک و باور انسان ئے کارو کردئے سرا اثر کنت۔ بازیں تپاسگ و چاروبیچارا رند من ہمئے آسرا سربوتوں کہ اسلام راست و برحقیں دین نہ اِنت۔من اسلام ردّ نہ کتگ، منا اسلاما کنونس نہ کرتگ۔ منی تپاسگا منا مسیھی کرت، من بلوچے اوں ،من مسیھی ئے اوں۔

دگہ یکّئے کنونس اِنت آ مسلمان ئے او بلوچ ئے، دگہ یکیں مسلمان ئے بلے دیوبندی و شیعہ و اہل حدیث ئے بوتگ چیاکہ آ ہمئے عقیدہ و فرقہہ پہ دل و ستک باور کننت۔ہمیشانی ھبران کنوِنس کرتگ۔ ایشی تھا ھچ رَدِی مان نیست، چیاکہ مئے اسلی ھدا ئے پیسلہا مئے مائنڈ کنت ،مئے کنوکشنز مئے عقیدہاں پیداک کننت۔

بیا ات یکئے دومیا گوںا وتی ھئیال و لیکھاں درشان کنیں۔ 

رب ئے باھوٹت، مدام شات باتت