اے نبشتاک ئے مکسد قرآن ئے بابتا لہتیں مالوم داری لس مھلوکا پُجارینگ)
جست1 : استیں قرآن اولی بَرا کدی چاپ و شنگ بوتگ۔
پَسّہ : ہمئے قرآن اولی رند چہ مصرا 10 جولائی 1924 چاپ شنگ کنگ بوتگ۔ ایشیئے بنداتی نام” المصحف الأميري,” و “مصحف الملك فؤاد” بزاں” شاہ فواد قرآن” شاہ فواد ہماوھدا مصر ئے شاہ اَت چہ آییئے اجازتا قرآن چھاپگ بوتگ۔ لہتیں وھدا اے قران “قائرہ اڈیشن” ئے ناما ھم زانگ بوتگ۔
جست 2 : گڈا 1924 پیسر مسلمانان قرآن چے پئیم تلاوت کرتگ؟
پَسّہ : 1924 ء استین قرآن ئے چاپ و شنگ کنگا پیسر ہپت پئیمیں گالوارانی تہا قرآن ئے تلاوت بوتگ۔
حفص ( چہ عاصما)
ورش (چہ نافعا)
قالون ( چہ نافعا)
دوری ( چہ ابو عمروا)
ابن کثیر (چہ ابو جعفرا)
الکسائی ( چہ حمزہ ا)
ابو جعفر ( چہ ابن مجاہدا)
دلگوش: مسلمان عالمانی رِدا اے ہپتیں گالوار، اشانی نبشتہ کنگ ئے پئیم ، برے برے لبز بِلّے تُری پرک کننت بلے بندری پیگام و مکسد بَدل نبوتگ۔
جست 3: اگن واکی گالوار و لبز و نبشتہ ئے رھبندانی پرکا چہ پیگام ئے سرا اثر نہ کرتگ گڈا پرچا گئوشگ بیت آیان مزنین جھد و کوششستاں رند یک گالوارے تہا قران چاپ کرت، آیا اے ھبرئے چہ بوت کہ کلیں جھانا قرآن یک ئے۔ اشی ھر لبز و زبر و زیرے پرک نہ کنت؟
پَسّہ : اے جست ارزشت داریت چیا اولی رندا سیمی خلیفہ حضرت عثمانا رض گالوار و نبشتہ ئے رھبندئے یک کنگ ئےنامے سرا دومی رندا قرآن نبشتہ کنائینت۔ کہ اولی خلیفہ عبدالرحمان ابوبکر صدیق رض نبی اسلام ص ئے وپاتیا رند قرآن مُچ کرتگ اَت، بلے عثمان غنیا پنچ صد آیات چہ ابوبکر صدیق ئے مچ کرتگیں قرآنا گچین کرت و سوتک۔ سبائیاں ایراد گپت کہ حضرت عثمان ئے نوکین قرآن نہ مَن اِت۔ آیاں حضرت عثمان آیئے لوگ ئے تہا چاریں نیمگاں انگیر کرت و شہید کرت۔ ہمئے جیڑھ جنگ ئے جمل سئوب بوت۔ بُندرا اے گالوارو کسانین پرکانی جیڑھ نہ ایں بلکہ بازین آیتانی سوچگ و بازین آیتانی گار کنگ ئے جیڑہ ایں انچش کہ آیت رجم۔
اے ھبر راست نہ اِنت کہ دنیایا یک قرآن ئے، اِنّاں۔ دنیایا باز قسم ئے قران پرک گالوارانی تہا است اِنت کہ بازین لبز و مانا و پیگام ھم پرک کننت۔
جست4: چونیا مسلماں 1924ء تپاک بوتنت کہ آ قرآنا یک گالوارئے تہا چاپ و شنگ بکننت۔؟
پَسّہ:1924 ء پیسر ھم وھد وھدے سرا چوشین جھد بوتگ کہ مسلمانانی قرآن ئے قرات و رھبند یک ئے بہ بیت۔ بلے جامعہ ازھر 2007 پہ دل و ستک جھد بندات کرتنت۔ شاہ فواد اول ئے رضامندیا رند اے پراجیکٹ ئے سرا کار بندات بوت۔ جامعہ ازھرئے اڈکرتگیں کمیٹیا 1922 تا 1923 یکوئی عالم و زانت کار و کواسانی مراگش برجم داشت و آیاں دگہ دگہ پرک پرکیں قرآنانی مسودہ و قرات بزاں گالوارانی سرا چار وبیچار کرت۔ مزنین گپ و ترانان رند آیان مشہوریں گالوار “حفص” گچین کرت و رازی بوتنت کہ چدو دیم قران بَسّ “حفص” گالوار ئے تہا چاپ و شنگ کنگ بیت۔ ایندگہ گالوارانی چاپگ و شنگ کنگ غیرقانونی و جرم ھساب کنگ بنت