آزاتیئے ائید 2026 ئے درگتا بلوچ کلیسائے کماشے کلوہ
Happy Easter
عیسی المسیھ گنہ کارانی کپارت و ابدمانیں زند ئے مانزمان
مسیھے مرگئے بزانت، مول و مراد و عیسیٰ المسیھے سلیبے سرے قربانی پرچا پہ ما ھژدری اِنت
مرچی ما ھما چیزے بابتا گپ جنیں کہ شمئے زندا بدل کرت کنت- نہ ایوکا مرچیں واستہ بلکیں پہ مدامی۔ ما اے ھبرے پٹ و پولا کنیں کہ عیسی مسیھ پرچا قربان بوتگ، ایشیے بزانت چی اِنت ا عیسی ئے قربانی چیاکہ ہمک بنی آدم ئے گناہانی ماپیئے واستا المی اِنت۔۔
۔عیسیٰ المسیھے سلیبی مرک یا قربانیے بابتا۔
عیسی المسیئے پیدائشا باز پیسر، کوہنین عہد نامہ بزان توریت زبور و نبیانی صحیفاہانی تہا پیشن گوئی کنگ بوتگ ۔ چوش کہ مشہوریں و تچک و سادگیں پیشن گوئی زبور 22 ءُ یسعیاہ 53) یک انچیں مردمیے بابتا ھبر کرتگ کہ آ دگرانی ھاترا زھمت کشیت و مرکے آماچ بیت۔:
آییارا تژن و ٹاکور جنگ بیت۔ بے شرپ کنگ بیت۔
جنگ و ٹپیگ کنگ بیت بلے ہمئے مرد بزاں عیسی المسیھ .
وتی گناہانی سئوبا نہ ، بلکیں دگرانی گناہانی ھاترا۔ دگرانی واستا رنج و گمے آماچ بیت
بلے ہمئے پیشن گوئی سداں سال پیسرا نبشتہ کنگ بوتگ اَنت بلے یک یکا عیسائے زندے تھا پیلو و سرجم بوت انت/۔ ہمئے پئشن گوئیانی ردا عیسیٰ دزگیر کنگ بوت، جنگ و مسکرائی کنگ بوت سلیبے سرا کیل کنگ بوت۔ دارئے سلیبا درنجگ بوت۔
مردمانی دلا اے سوال اتک کنت کہ چیا عیسیٰ
المسیھ چئوش سکی سگ و برداشت کرت۔
۔ اے جست ئے آسانین پَسّہ ایش اِنت کہ ۔۔ مھرے سئوبا۔
۔ ھدائے گوں انسانان مھرے سئوبا۔
گڈا دگہ سوالے ھم دلا پیدا بوت کنت کہ اگن ھدا انسانان مھر دنت گڈا عیسٰی المسئھے قربانیا گوں ایشیا چہ کار؟
جواب ایش اِنت کہ ھدائے گوں انسانان مھرے و عیسی المسھئے قربان بوئگ یک مزنین او المیں ھمگرنچی است۔ ایشی شریا پہمگ ئے ھاترا مارا گناہ ئے بابتا زانگ لوٹیت۔
گناہ چیا گئوشنت؟
ھدائے شون داتگیں راہ و داتگیں ھکمانی سرا عمل نہ کنگ، شریت ئے نشان داتگیں راہ ئے سرا نہ روئگ ئے نام گناہ اِنت۔ ہرکسی کہ ھدائے نیکیں و مہروانیں ھکمانی ھلاپا رئوت۔چئوش کہ دروگ بندگ، دگرانا تاوان دیئگ۔ لالچ، تکبر، نپرت کنگ – اے درست گناہ اَنت۔ بلے ایش سجھئینانی سئوب ھما اولی انسان آدم و حوا ئے ناپرمانی ات۔ ہمایانی ناپرمانیئے سئوبا ہمئے ناپرمانیئے تب سجھئیں انسانانی سررشتا مان بوت۔ چہ گناہ کنگا پیش آدم و حوا گوں ھدایا ہمدیوانان اَتنت۔ آیان گوں ھدایا ھبر و تران کرتگ اَت بلے گناہ کنگا رند آ چیر بوتنت و چہ ھدایا جتا بوتنت۔بنی آدم و ھدائے میانجینا جتائی سئوب گناہ اَت۔ انسان گناہ کار بوت۔ ھدائے و انسان ئے نزیکی پروشت۔ چیاکہ
خدا پاک اِنت، ۔ بس رُژن ءُ تہاری یکجاہ بوت نہ کن اَنت، گناہ و ھدائے پاکی یکجاہ بوت نہ کن اَنت۔
بنی آدمان وترا وت پاک ساپ کنگ ئے سک جھد کرت۔ ابادت و شپ پاسی، چلگ کشگ، کچگ و پیشی و دلوتانی ھذمت کنگ، کوہاںسری بوئگ، گارانی تہا زند گوازینگ، دنیائے یلہ کنگ،وتارا وت اذیت دیئگ، زکوات و ھیرات دیئگ پد ھم گناہ کارین انسان ئے تب و سررشت انچو نیک و شر نہ بوت کہ آ پہ وتی نیکیں کارانی آسر و مُزا گوں ھدایا وتی پروشتگیں سیادی و نزیکیا برجاہ کرت بکنت۔ دومی نیمگا ھدایا زانت کہ انسان چہ وتی جھد و کوشستاں پد ھما کسانین زھگے پئیما اِنت کہ وتی پولنگ و لیگاراں وت ساپ کرت نکنت ۔ اگن کسانین زھگ چِل و لیگار بہ بنت گڈا ایش آیانی پت و مات ئے نزوری و ڈالچاری زانگ بیت۔ ھدا کہ مئے مھروانین آسمانی پت اِنت۔ مارا ڈالچار نہ کنت۔ انجیل شریف ئے کتاب رومیانی در سئے، آیت دہ تا دوازدہ ئے تہا نبشتہ انت کہ یک راستکارئے نیست سجھئین وت و سر گمراہ انت۔ یکے ھم نیست کہ نیکی بکنت۔ ہمئے درئے بیست و سئیمی آیت ئے تہا نبشتہ اِنت کہ سجئینان گناہ کرتگ و چہ ھدائے شانا زبھر اَنت۔ ہمئے بدیں ھال دیمترا گیش ھترناک بیت چیاکہ انجیل شریف ئے ہمئے کتاب بزان رومیانی در شش و آیت بیست و سئے گئوشیت۔ گناہ ئے مُز مرک اِنت۔۔ اے ھسابا سجئین مردم مرکئے لائک بنت ۔بلے ہمئے آیت بزاں رومیانی در شش و آیت بیست و سئے تہا یک مستاگ ئے مان۔۔ ہمئے آیت ئے دومی بھر گئوشیت “بلے”۔۔۔ اے” بلے” سکیں واکداریں لبزئے۔ دلگئوش کن ات کہ سرجمیں آیت چہ گئوشیت۔ گناہ ئے مُز مرک اِنت۔ “بلے” ھدائے بکشش مئے ھداوند عیسی مسیھئے وسیلہا نمیرانین زند اِنت۔ نون بچار کجا گناہ ئے مز مرک و کجا نمیران زند پہ مپت و پہ بکشش۔ چہ مرکا نمیرانین زندئے نیمگا رسگ ئے واستا مارا ھدائے بکشش بزان ھداوند مسیھ عیسائے وتی وسیلہا کبول کنگ لوٹیت۔ جی جئو۔ مارا بس اے ھبر منگ لوٹیت کہ من ھدائے گوما وتی پروشتگیں نزیکی و سیادیا ایوکا ھداوند عیسی ئے وسیلہا برجاہ کرت کنن۔ اے پہ ما باز آسان اِنت۔ بلے پہ مئے چہ مرکا آجوئیا ھدائے بندوبست سک ارزشت داریت۔انجیل شریف ئے کتاب بنام یوحنا در سئے و آیت شانزدہئے تہا نبشتہ اِنت۔ چیا که هُدایا جهانئے مردم همینچُک دۆست اتنت که وتی یک ّو یکدانگێن چُکّی هم نَدر کرت تان هرکَس که آییئے سرا باور بکنت گار و زیان مبیت و تان اَبد زندگ بمانیت ۔
کمو دلگئوش کنگ المی اِنت کہ سجھئیں مردم گنا گار و چہ ھدائے شانا زبھر اَتنت۔ یک ھم نیکی کنوکی نیست ات۔ گڈا ھدایا کئیارا چئوش باز دوست داشت۔ ہمئے گنہ کاراناـ؟ جی جئو، ہمئے گمراہ و ردکار و گنہ کارانا آییا دوست داشت۔ انچین سوالانی جواب ھم انجیل شریف ئے کتاب رومیانی در پنچ آیت شش تان یازدہ ئے تہا نبشتہ اِنت۔ ا ٓوهدا که ما اَنگت نِزۆر و بێوس اتێن. مُشکل چُش َبیت که کَسے
په نێک و پاکێن مردمێا چه وتی ساها سر بگوَزیت، چۆناها بوت َکنت کَسێا اے تَهم و جُریَت ببیت که وتی ساها
په نێکێن مردمێا بدنت. بله هُدا مئے سرا وتی مِهرا چُش پَدّر َکنت: هما وهدا مَسیه په مئیگی مُرت که ما اَنگت
گنهکار اتێن.
پمێشکا، نون که ما چه آییئے هۆنئے راها پاک و پَلگار زانگ بوتگێن، اَنگت دلجمتر اێن که آییئے سئوَبا چه
هُدائے کَهر و گَزبا رَکّێنگ َبێن. اگن ا ٓوهدا که اَنگت هُدائے دُژمن اتێن، چه آییئے چُکّئے مَرکئے راها گۆن آییا
په سُهل و وشّانیا رسێنگ بوتێن، گڑا نون که په سُهل و وشّانیا رَستگێن، سک ّدلجمتر اێن که آییئے زِندئے سئوَبا
رَکّێنگ َبێن. بله نه تهنا په همینچُکا، ما چه وتی هُداوند عیسّا مَسیهئے راها هُدائے سرا پَهر َبندێن، هما عیسّا که
آییئے سئوَبا اَنّون مارا سُهل و وشّانی رَستگ
اے جست مردمانی دلا چست بوت کنت کہ ھدائے چہ زلورت کہ وتی یکین چٗکا ندر بکنت۔آیا ھدائے چہ وتی اھتیار و واکا گنہ گارانی گناآں ماپ کرت نہ کنت۔
اے ھبرے نیمگا دلگئوش دیئگ زلوری اِنت کہ ھدا رھبند و بندوبست ئے ھدا اِنت۔ آ وتی جندئے اڈکرتگیں رھبنداں نہ پروشیت۔ اےسوال کہ ھدایا کہ انسان وتی دروشم اڑکرتگ انت واآیانی بے کساس دوست داریت۔ گڈا چیا آیانی گناہاں ماپ کرت نہ کنت۔ ایشی پَسہ ایش اِنت کہ اگن یکئے جج ئیئے ھکدیوانا آئیے چک یا اآئیے دوستین سنگت آرئگ بہ بیت کہ ایشی جرم کرتگ۔ آیا ہمئے جج وتی چک یا وتی سنگتا پہ دوستی آیانی جرما ماپ کرت کنت؟ اگن وتی چکئے جرما ماپ بکنت گڈا شراِنت؟
ھدا ھم وتی شریت ئے رھبندانی پروشگ ئے ابید انسانانی گناہانی ماپ کنگ ئے بندوبستا چئوش کنت کہ وتی یکین بچ عیسی گنہ کارانی ھاترا سلیبئے سرا ندر کنت۔
دگہ جست ئے ایش بوت کنت کہ گناہ کارانی ماپیے ھاترا چیا بے گناہیں عیسیٰ المسھ ئے سلیب
ئے سرا کربانی المی اَت۔؟
انچئش کہ پیسرا ما چہ ھدائے کلاما ونتگ ات کہ گناہے مُز مرک اِنت۔ گناہے مُز پہ ھون دیئگ بیت۔
پاکیں بائیبلے تہا ھونے بزانت زند اِنت۔تورات ئے کتاب بنام لاویان در ہبدہ آیت یازدہ ہا نبشتہ اِنت۔ کہ ”زند ھونے تہا اِنت“۔انجیل شریف ئے کتاب بنام ابرانیانی در نوہ آیت بیست و دوہا نبشتہ انت۔ کہ ” کساس سجھئین چیز شریت ئے رِدا گوں ھونا پاک کنگ بنت و ابید ھونے ریچگا گناہانی ماپی نیست۔ کوہنین عہد نامگے تہا گناہانی کپارت ئے واستاھمک سال بے ائیبیں دلوتانی کربانی پہ نشان شون دیئگ بوتگ ات۔ ۔ بلے بے ائیبیں دلوتانی ناسرجمیں کربانیاں مردمانی گناہ دُور نہ کرتگ انت۔
انچئش کہ کربانیئے دلوت ئے بے ائید بوئگ زلوری ات انجیل شریف ئے کتاب بنام یوھنا در یک، آیت بیست و نوہ ہا نبشتہ انت کہ ہمئے پئیماعیسی المسیھ کہ ھدائے گرانڈ انت کہ جھانئے گناہاں دُور کنت۔۔ ہمئے گرانڈ بزاں عیسٰی المسیھ بے ائید انت۔ انجیل شریف ئے کتاب اولی پتروس در یک آیت نوزدہ۔ مارا چہ گناہاں نجات بےائیب و بے پولنگیں گوَرانڈ، بزان مَسیهئے بێبهاێن هۆنارستگ۔ انجیل شریف ئے کتاب دومی کرنتھیانی در پنچ آیت بیست و یک ہا نبشتہ اِنت۔ ھما کہ بے گناہ اَت ھدایا پہ مئیگی گناہ جوڑکرت۔ گناہ آئیئے سرا داتنت۔ تانکہ آئیئے برکتا ما ھدائے بارگاہا راستاور بہ بئیں۔ ایش لیکھائے پہمگ سک المی اِنت کہ بے گناہیں عیسی چیا مئے گناہانی کپارت بیت۔چہ عیسی ئے سلیب ئے سرئے کربان بوئگا مرا چوں ماپی رسیت۔ منا یک مردمیا ہمئے درگتا جست ئے کہ منی سنگت ئے سر دردا اِنت اگن من سردری گولی بواراں گڈا آئیے سرے درد چئون دراہ بیت۔ آئیے مول و مراد ایش انت یکئے جاگہا دومی کربانی چونیا کار کنت۔ گندگا پئیمیں جست سک دلکش اَنت بلے ایشی پسہ ایش اِنت کہ ھئو۔ چہ یکئے کربانی دگراں ماپی و پائدگ رست کنت۔ دنیاوی مسال چئوش بوت کنت کہ اگن ۔ زھگ ئے پہ ردی وتی ھمسائگئے گاڑی ئے شیشگ ھا پروشیت۔بلے ہمئے زھگئے وتی سجھئین جھد و کوشستاں ابید ھم ہمئے تاوانا پورا کرت نہ کنت۔ بلے آئیئے برات کئیت و وت تاوانا پورا کنت۔ مئے چاگردئے چئوشین کار باز بوتگ کہ مردمانی دگرانی جاگہا وتی مالی و جانی کربانی داتگ ۔ یک مات ئے وتی جندا بے واب کنت تانکہ آئیے زھگ آرام بکن۔ یک مردے وتی جندئے ساہا ندر کنت کہ دگہ آجو بہ بنت۔ چئوشیں راست ایں مسال ھم است کہ یک کازیئے دیما یک وامدارئے پیش کنگ بوت کہ ایشیا وام زرتگ بلے سک دیر انت کہ واما نہ دیئگا اِنت۔ ہمئے وامدارا پریات کرت کہ من وتی وس کرتگ بلے من ھمنچک زر مُچ نہ کرتگ کہ واماں دات بکناں۔ کازیا زانت کہ اے مرد بزگ اِنت و راست گئوشگا انت۔ اگن ہمئے کازی رھم بکنت ہمئے بزگیں مردا ماپ بکنت۔ گڈا وام دیوک ئے گوما انساپی نہ بیت۔ اگن کازی انساپ بکنت و بزگیں مردا زندانا دیم بدنت گڈا رھم نہ بیت۔ رھم و انساپ دوئینانی برجم دارگ ئے ھاترا ہمئے کازیئے جند بزگین مردئے واماں چہ وتی کیسگا دنت و ایشیا آزات کنت۔ شمئے دل چی گئوشیت کہ ہمئے بزگ و آزات کرتگیں مرد دوبارہ وام بزوریت و واماں مدنت تو بار بار ہمئے کازیئے ھکدیوانا بئیت؟ گڈا ایش مرد کازیئے رھما بے شرپ کنت و اشی مسکرائی کنت۔ جی ھئو بلکل ہمئے مسالئے پئیما رھم و انساپ کنوکیں ھدایا وتی گنہ کاریں انسان ئے بے وسی دیست کہ ایش ھرچی بکنت چہ وتی جندئے جھد و کوشستان و نیکاں وتارا وت انچش پاک کرت نہ کنت کہ دوبارہ گون من سھل بکنت۔ ہمئے ھاترا ھدایا وتی جندئے دروشمااڈکرتگیں بنی آدمئے گناہانی وامئے پورا کنئے واستا وتی جندئے نیمگا بندوبست کرت۔ گنہ کار چہ گناہے مُز بزاں چہ مرکا موک اِتنت۔ نون ھداوند عیسی المسیھئے وسیلھا راستاوریں باورمندانی واستا زلوری انت کہ وتا چہ گناہ و بدیاں دور بدارنت و ھدائے شگرا بگرنت کہ آیانا نجات داتگیں۔ ۔
ھداوند عیسی المسیھ ئے سلیبیے سرا کربانیا ابید گناہانی ماپیئے دگی ھچ پئیمیں بندوبست راست نہ انت۔ چیاکہ ھچ انسان چہ وتا ھمنچک راست و نیک بوت نہ کنت کہ ھدائے بادشاہئ تھا نمیرانین زندا آییا مُز برسیت۔ برھک و راستیں ھدایا گناہانی ماپی، دلجمی ایمنی، امیت، وشی و نمیرانین زند، بَس ھداوند عیسی المسھئے وسیلھا پہ جھانئے مردمان پیش کرتگ/۔
چہ بلوچ مسیھانی جمائت آئ بی آئی سی نیمگا ما سجھئیں بلوچ راجا سلاہ جنیں کہ ھداوند عیسی المسیھ ئے سرا ایمان بیارنت و یک میان استمانی مزنین مسیھی کہولئے بھر بہ بنت۔ بلوچ مسیھی برات و گھار وتی کہولے مردمان و وتی سنگتاں مسسیھئے وشین ھالا سر بکن اَنت۔ مئے ھداوند عیسی المسیئے مرک و گناہ پروش داتگ اَنت و چہ مردگاں زندگ بوتگ و آسمان اِنت کہ چہ آسمان زوت واتر کنت و سجھئیں جھانئے دادرسی و ھساب کتابا کنت/ او وتی باورمندان دائمی زند بکشیت۔
شما ھداوند ئے باھوٹت۔ دائما برجم و شات باتت۔