اِیسّا مسیھے مستاگ
ھدا ما سجھینانان دوست داریت۔ بلے ما گناہ کنیں۔ و ردیں کار کنیں۔ ھمئے بدی و ردی مارا چہ ھدایا دور کننت۔ چیاکہ ھدا سرجم و پاک اِنت۔ گناھکار آئیے آبیلا شت نکنت۔
بلے ھدایا وتی چُک، اِیسا مسیھ جہانا دیم دات تان کہ مئے گناہان چہ مارا برکینیت۔ اِیسا مسیھا ایک سرجمیں زندئے گوازینت۔ آئیا ھچ گناہ و ردی نہ کرتگ۔ او آئیا مئے گناہانی مُز و سزا وتی بڈا زرت و سلیبئے سرا مرک من اِت۔ آئیا مئے ھاترا کربانیگ دات تاکہ آئیئے مرکئے سئوبا مارا ماپی برسیت۔ چیاکہ ھچ کسئے وت اینکس نیک بوت نکنت چہ وتی جندئے شَرین کارانی سئوبا وتا چہ گناہانی سزایا برکینیت۔
نون مارا بس چش کنگ لوٹیت کہ ہما اِیسا مسیھئے سرا ایمان بیارین۔ ستک بکنین کہ آ مئے نجات دیوک و رکینوک اِنت۔ و چہ آئیا وتی گناہانی ماپ کنگئے دستبندی بکنین۔ اگاں ما دل و ستک چش بکنین۔ گڑا ھدا مئے سجھئیں گنایان مارا پہل و ماپ کنت۔ مارا اِیسا مسیھئے سرا ایمان آرگئے سئوبا یک پاک و پلگارین زندئے بکشیت۔
اِیسا مسیھے سئوبا ایمان ارگ و باورمند بوئگئے سئوبا مارا نوکیں زند رسیت۔ ایش نوکین زند مارا اے شرپا بکشیت کہ ما گوں ھدایا روھانی ھسابا ھمگرنچ ببئیں۔ ۔ ایش وڈا ھدائے مھر او ھمدیوانی مارا شرین کار و پیسلہ کنگئے سکینا دنت۔ مسیھی ئے سرا ایمان آرگ ئے رند ما گناہ و بدیئے آبیلا مروئیں۔ یک دومیئے کمک و مدتا بکنن۔ ایندگہ بنی آدم، سھدار و دلوتان تاوان مدئیں۔ بلے آیانی واستا سکین و دلبڈیئے ببئیں۔
The IBIC Facebookگیش دربرگئے واستا جھلے تاکا بچار